ក្រសួងការបរទេស និងសហប្រតិបត្តិការអន្តរជាតិ សូមធ្វើការជូនព័ត៌មានដល់យុវជន/យុវនារីកម្ពុជា ដែលមានបំណងទៅធ្វើការនៅលេខាធិការដ្ឋានអង្គការសហប្រជាជាតិ ឲ្យបានជ្រាបថា ការិយាល័យធនធានមនុស្សរបស់អង្គការសហប្រជាជាតិ នឹងរៀបចំការប្រឡង "កម្មវិធីវិជ្ជាជីវៈវ័យក្មេង (Young Professional Programmes - YPP)" ឆ្នាំ ២០១៦ ដែលនឹងប្រព្រឹត្តទៅនៅថ្ងៃទី ១៤ ធ្នូ ២០១៦ ដើម្បីជ្រើសរើសបេក្ខជន/បេក្ខនារីវ័យក្មេង និងមានសមត្ថភាព ពីបណ្ដាប្រទេសសមាជិកអង្គការសហប្រជាជាតិ ទៅបម្រើការងារនៅលេខាធិការដ្ឋានអង្គការសហប្រជាជាតិ។
